विराटनगर । राष्ट्रिय सहकारी बैंक लिमिटेडले शुक्रबार धनकुटामा आफनो ४३ औं शाखा विस्तार गरेको छ । यसअघि ४२ जिल्लामा शाखा विस्तार भएको राष्ट्रिय सहकारी बैंक लिमिटेडका प्रमुख रमेश पोखरेलले जानकारी दिनुभयो ।
उद्घाटन कार्यक्रमलाई सम्बोधन गर्नुहँुदै १ नम्बर प्रदेश समितिका उपसभामुख तथा कार्यक्रमका प्रमुख अतिथि सरस्वती पोखरेलले राजनीतिक क्रान्ति सम्पन्न भइसकेको अवस्थामा अहिले कृषि उत्पादनमा जोड दिनुपर्ने बताउनुभयो ।
उपसभामुख पोखरेलले अहिले सरकारले नै विकास निर्माणमा केन्द्रित हुन आह्वान गरेको अवस्थामा सहकारीले महत्वपूर्ण भूमिका निर्वाह गर्नुपर्ने बताउनुभयो ।
उहाँले धनकुटालाई १ नम्बर सहकारी बनाउन पर्यटन, उत्पादन र कृषिमा लगानी गरे सम्भव हुने कुरामा जोड दिनुभयो ।
कार्यक्रममा राष्ट्रिय सहकारी महासंघका अध्यक्ष शिव कुमार डाँगी, १ नम्बर प्रदेशसभा सदस्य बिना राई, धनकुटा उद्योग वाणिज्य संघका उपाध्यक्ष तारा तितुङ, सहकारीका कोषाध्यक्ष यज्ञ कुमारीलगायतको उपस्थिति थियो ।
