१ नं. प्रदेश स्थायी राजधानी बहस : ४३ सांसदको हस्ताक्षर - Pahilo Online

१ नं. प्रदेश स्थायी राजधानी बहस : ४३ सांसदको हस्ताक्षर

जिससको भवन संसद सचिवालयलाई हस्तान्तरण गरिने

writer

विराटनगर । १ नम्बर प्रदेशको संसद सचिवलायका लागि विराटनगरस्थित जिल्ला समन्वय समितिको भवन हस्तान्तरण हुने भएको छ ।

लामो समयको प्रयास पनि जिल्ला समन्वय समितिका सभापति नरेश पोखरेलले संसद सचिवालयलाई उक्त भवन बुधबार (आज) हस्तान्तरण गर्न सहमत हुनुभएको हो । धेरैले पोखरेलले जिद्धी गर्नुको कारण प्रदेशको राजधानी सार्ने एमालेको रणनीतिको रुपमा बुझेका थिए । पोखरेल एमालेका पूर्व नेता समेत हुन् । यद्यपि पोखरेलले संसद सचिवालयका लागि भवन दिने भएसँगै उक्त आरोपको खण्डन भएको छ ।

पोखरेललाई उक्त भवन खाली गर्न यसअघि पनि प्रदेश मुख्यमन्त्रीको कार्यालयबाट पत्रसमेत पठाएको थियो । तर, पोखरेलले आफू जिल्ला समन्वयसमितिको सभापति भएको र आफ्ना लागि अन्य कार्यालय उपर्युक्त नभएको भन्दै सर्न मान्नुभएको थिएन ।

मंगलबार प्रदेश नम्बर १ का ४३ जना सांसदले प्रदेशसभाको आफैं बस्ने अत्याधुनिक भवन निर्माणको प्रक्रिया रोक्न हस्ताक्षर अभियान समेत सभामुखलाई बुझाएका थिए । हस्ताक्षर बुझाएसँगै राजधानी सर्ने हो कि भन्ने विषयले प्राथमिकता पाउन थालेपछि पोखरेलले आफ्नो क्वाटर र कार्यालय सार्ने सहमति गर्नुभएको बुझिएको छ । पोखरेललाई कार्यालय भवन हस्तान्तरण गर्न विराटनगर र मोरङका सांसद, राजनीतिक दल, उद्योगी, व्यवासायीले पनि दबाब दिएका थिए ।

यता संसद भवनको स्थायी संरचना निर्माणको तयारीमा रहेको संसद सचिवालयका लागि मंगलबारको सांसदहरुको कदमले अन्यौलता बढाइदिएको छ । सांसदहरुले स्थायी राजधानी नतोकेसम्म कुनैपनि प्रदेशस्तरीय भवन तथा संरचना निर्माण नगर्न भन्दै सभामुख प्रदीपकुमार भण्डारीलाई हस्ताक्षर बुझाएका छन् ।

प्रदेशसभा भवनका लागि सरकारले चालू आर्थिक वर्षमा १ करोड बजेट छुट्याएको थियो । तर भवन नै बन्ने टुंगो नभएपछि उक्त बजेट फ्रिज हुने देखिएको छ । ४३ जना सांसदको हस्ताक्षर रहेको उक्त पत्रमा एमाले र माओवादी केन्द्रका ३७ र कांग्रेसका ६ जना सांसदको हस्ताक्षर छ । संविधानअनुसार प्रदेशको स्थायी राजधानी निर्माणका लागि तत्काल कायम रहेको सदस्य संख्याको दुई तिहाई बहुमतबाट निर्णय गर्नुपर्नेछ । सांसदहरुले बुझाएको पत्र मुख्यमन्त्री शेरधन राईलाई पनि बोधार्थ दिइएको छ ।

मा प्रकाशित

यसमा तपाईको मत:

  • भुल्के मिडिया प्रा.लि.द्वारा सञ्चालित
  • कम्पनी रजिष्ट्रारको का. २१५६६४–७५–०७६
  • स्थायी लेखा नं. ६०९५४०३५६
  • सूचना विभाग दर्ता नं. १३५१–०७५–७६
  • पथरी-शनिश्चरे–१, मोरंग
  • फोन : N/A
  • मोबाइल नं.: ९८४२०४७१४२
  • इमेल: jrmohan.brt@gmail.com,
  • pahiloonline@gmail.com
  • वेबसाइट: www.pahiloonline.com
  • सम्पादकः रामकुमारी राई

© Copyright 2017 - 2023 Pahiloonline pvt ltd. All Rights Reserved.

Design / Developed by Thbytes