काठमाडौं । नेपाल आयल निगमले पेट्रोल, डिजल र मट्टितेलको मूल्य पुनः बढाएको छ ।
निगमले बुधबार राति १२ बजेदेखि लागू हुनेगरी पेट्रोलमा २ रुपैयाँ र डिजेल र मट्टितेलमा ३/३ रुपैयाँ मूल्यबृद्धि गरेको हो ।
मूल्यवृद्धिपछि पेट्रोलको मूल्य प्रतिलिटर १०८ तथा डिजल र मट्टितेल प्रतिलिटर ९० रुपैयाँ पुगेको छ । निगमले खाना पकाउने ग्यासको मूल्य भने बढाएको छैन । खाना पकाउने ग्यासमा निगमलाई प्रतिसिलिण्डर ६४।२९ रुपैयाँ घाटा रहेको जनाएको छ ।
अहिले नेपालमा पेट्रोल भारतमा भन्दा २१.९२ र डिजेल २४.६१ रुपैयाँ सस्तो रहेको निगमको भनाइ छ । अन्तराष्ट्रिय बजारमा इन्धनको मूल्य बढेकोले नेपालमा पनि बढाउनु परेको निगमका प्रवक्ता विरेन्द्र गोइतले जानकारी दिनुभयो ।
