प्रमको भारत भ्रमण : भारतीय गृहमन्त्रीको स्वागत

विराटनगर । तीन दिने भारत भ्रमणका क्रममा प्रधानमन्त्री केपी शर्मा ओली नयाँदिल्ली पुग्नु भएको छ ।

प्रधानमन्त्री ओली सवार नेपाल बायुसेवा निगमको विमान बिहान १०ः१५ मा इन्दिरा गान्धी अन्तर्राष्ट्रिय विमानस्थलमा अवतरण गरेको भारतीय सञ्चारमाध्यमले जनाएका छन् ।

प्रधानमन्त्री ओलीलाई भारतीय गृहमन्त्री राजनाथ सिंहले नयाँदिल्लीस्थित इन्दिरा गान्धी अन्तर्राष्ट्रिय विमानस्थलमा स्वागत गर्नुभएको थियो । प्रधानमन्त्री ओली शुक्रबार बिहान ५४ सदस्यीय नेपाली प्रतिनिधिमण्डलको नेतृत्व गर्दै भारत प्रस्थान गर्नुभएको हो ।

आजै मोदीसँग वार्ता हुने

यसैबीच प्रधानमन्त्री केपी ओली र भारतीय प्रधानमन्त्री नरेन्द्र मोदीबीच आजै साँझ एकान्त वार्ता हुने बताइएको छ । त्यसैगरी साँझ नेपाली दूतावासको प्राङ्गणमा प्रवासी नेपालीलाई ओलीले सम्बोधन गर्ने कार्यक्रम रहेको छ । साझै नेपाली दूतावासले प्रधानमन्त्रीको सम्मानमा दि इम्पेरियल होटलमा आयोजना आयोजना गर्ने रात्रीभोजमा सहभागी पछि प्रधानमन्त्री ओलीको आजको कार्यक्रम सकिने छ ।