विराटनगर । विराटनगर– ३ कमलमार्गकी सरला काफ्लेले आफ्नै ६ वर्षे छोरोलाई तातो आइरनले डामेको खुलासा भएको छ ।
आइरनले डामिएका उनका ६ वर्षे छोरा सिम्पल काफ्लेलाई सोमबार राती डामेको खुलेको हो । विराटनगरको अन्नपूर्ण बोर्डिङ स्कुलमा अध्ययनरत ६ वर्षे सिम्पल बिहान स्कुल गएका थिए । डे«समा स्कुल गएका सिम्पलले असहज महसुस गरेपछि शिक्षकले कपडा खोलेर हेर्दा जिउभर आइरनको डामैडाम भेटिएको थियो ।
सिम्पलको ढाड र हातको पाखुरामा आइरनले छाला पोलेर पिल्सीएको छ । छोरालाई आइरनले डाम्ने सरलालाई भने मोरङ प्रहरीले पक्राउ गरेको छ । रिसको झोंकमा डामेर घाउ हुँदासमेत उनले छोरालाई उपचार गराउन लानुको सट्टा स्कुल पठाएकी थिइन् ।
स्कुलका शिक्षकले थाहा पाएपछि प्रहरीलाई खबर गरेर सरलालाई प्रहरीकाहाँ बुझाएको स्थानीय दिपक चापागाईंले बताउनु भयो ।
‘आफूले जन्म दिएको बच्चालाई जनावरले त माया गर्छ,’ चापागाईंले आफ्नो फेसबुक वालमा फोटोसहित स्टाटस पोष्ट गर्दै भन्नुभएको छ, ‘मान्छेको जन्म त्यो नि आमा ले गरेको यो अमानविय कार्यले सम्पूर्ण आमाको बेइज्जत गरेको छ ।’ उनलाई कडा कारबाही गर्नुपर्ने चापागाईंले माग गर्नुभएको छ ।
