अपहरणकारी पक्राउ, अपहरितको अवस्था अज्ञात - Pahilo Online

अपहरणकारी पक्राउ, अपहरितको अवस्था अज्ञात

writer

पहिलो अनलाइन

इटहरी, २२ फागुन । अपहरण कार्यमा संलग्न रहेको आशंकामा सुनसरीबाट ५ जना पक्राउ परेपनि अपहरित युवतीको अवस्था अझै अज्ञात रहेको छ ।

सुनसरीको हरिनगर गाउँपालिका १ घर भएकी १९ वर्षीया मण्डल थरकी युवतीलाई जबरजस्ती मोटरसाइकलमा हालेर वेपत्ता पारेको उजुरीका आधारमा ५ जनालाई पक्राउ गरेको छ ।

युवतीलाई स्थानीय जाकिर साफी र हजरत साफीले जबरजस्ती मोटरसाइकलमा हालेर वेपत्ता पारेको उजुरी प्रहरीमा परिवारले दिएको थियो । सोही उजुरीको आधारमा प्रहरीले अपहरणमा संलग्न हरिनगर गाउँपालिका २ बस्ने २५ वर्षीय नजिम साफी, २९ वर्षीय शमसाद अन्सारी, ४५ वर्षीय अकबर साफी, २९ वर्षीय आलम साफी र इटहरी ९ बस्ने विशाल राईलाई पक्राउ गरी अनुशन्धान अगाडि बढाएको छ ।

प्रहरीका अनुसार युवती अपहरणमा परेको सूचनापछि उनका परिवारले अपहरणकारी भनिएका हजरतका दाजु आलम साफीलाई सोधखोज गरेका थिए । तर, आलमले युवती फिर्ता गर्न रकम दिनुपर्ने बताएका थिए । केटी पक्षलाई रकमका लागि ताकेता गर्दै तत्काल २५ हजार बुझाउन भनेपछि केटी पक्षले इटहरी ९ का विशाल राईको नाममा सो रकम आईएमइ गरी पठाएको थियो ।

तर, आलमले ५ लाख रुपैयाँ फिरौती बुझाउनुपर्ने माग गरेपछि पीडित परिवार प्रहरीमा पुगेको थियो । अपहरणकारी समूहले पीडित परिवारसँग पटक–पटक रकमको मोलमोलाई गरेको प्रहरी अनुसन्धानको क्रममा खुलेको छ ।

पक्राउ परेकाहरु उपर अपहरण तथा शरिर बन्धक मुद्दा दर्ता गरि म्याद थप गरिएको छ । प्रहरीले युवतीको अवस्थाको बारेमा केही बताएको छैन । सुनसरीका प्रहरी नायब उपरीक्षक नारायणप्रसाद चिमोरियाले वेपत्ता युवतीको अवस्था बारे अनुसन्धान र खोजी भइरहेको बताउनुभयो ।

मा प्रकाशित

यसमा तपाईको मत:

  • भुल्के मिडिया प्रा.लि.द्वारा सञ्चालित
  • कम्पनी रजिष्ट्रारको का. २१५६६४–७५–०७६
  • स्थायी लेखा नं. ६०९५४०३५६
  • सूचना विभाग दर्ता नं. १३५१–०७५–७६
  • पथरी-शनिश्चरे–१, मोरंग
  • फोन : N/A
  • मोबाइल नं.: ९८४२०४७१४२
  • इमेल: jrmohan.brt@gmail.com,
  • pahiloonline@gmail.com
  • वेबसाइट: www.pahiloonline.com
  • सम्पादकः रामकुमारी राई

© Copyright 2017 - 2023 Pahiloonline pvt ltd. All Rights Reserved.

Design / Developed by Thbytes