बादल गृहमन्त्री बन्ने पक्का - Pahilo Online

बादल गृहमन्त्री बन्ने पक्का

writer

रामबहादुर थापा ‘बादल’

विराटनगर, १४ फागुन । प्रधानमन्त्री केपी ओली नेतृत्वको सरकारमा माओवादी नेता रामबहादुर थापा ‘बादल’ गृहमन्त्री बन्ने भएका छन् ।
नेकपा माओवादी केन्द्रले गृह मन्त्रालयसहित बादलको नेतृत्वमा सरकारमा जाने निर्णय गरेको हो ।

माओवादी अध्यक्ष प्रचण्डले सोमबार प्रधानमन्त्री ओलीलाई पार्टीबाट मन्त्री बन्नेहरुको नामावली बुझाएका छन् । सो नामावलीमा बादलको नेतृत्वमा माओवादी सरकारमा सहभागी हुने र उनले गृह मन्त्रालय सम्हाल्ने जानकारी प्रचण्डले ओलीलाई गराएको माओवादी उच्च स्रोतले बताएको छ ।

यसअघि गृहमन्त्रीमा वर्षमान पुन अनन्तले दावी गरेका थिए । सरकारको नेतृत्वमा पाएपछि अन्य मन्त्रालयमा जान तयार भएका बादलले अन्तिममा गृह मन्त्रालय दावी गरेपछि माओवादीमा मन्त्री चयन गर्न सकस परेको थियो । अन्तिममा पार्टीको तेस्रो बरियताका नेता वादललाई नै गृह मन्त्रालय दिने निर्णय अध्यक्ष प्रचण्डले गरेका हुन् ।

बादल प्रचण्ड नेतृत्वको पहिलो सरकारमा रक्षामन्त्री थिए । उनी रक्षामन्त्री भएकै बेला उनकै सिफारिसमा तत्कालिन प्रधानसेनापति रुक्मांगत कटवाललाई सरकारले कार्वाही गरेको थियो । सोही प्रकरणका कारण माओवादीले सरकार छाड्नु परेको थियो ।

बादलले गृहमन्त्रालय पाउने भएपछि वर्षमान पुनलाई अर्को शक्तिशाली मन्त्रालय दिने तयारी भएको माओवादीले जनाएको छ । मन्त्रालय भने टुंगो लागेको छैन ।

स्रोतका अनुसार माओवादीबाट बादल र वर्षमानसहित गिरिराजमणी पोखरेल, मातृका यादव, जनार्दन शर्मा मन्त्री बन्ने भएका छन् । उनीहरुलाई आज साँझ ४ बजे सपथ खुवाउने गरी आजै मन्त्रिपरिषद विस्तार गर्ने तयारी भएको छ ।

मा प्रकाशित

यसमा तपाईको मत:

  • भुल्के मिडिया प्रा.लि.द्वारा सञ्चालित
  • कम्पनी रजिष्ट्रारको का. २१५६६४–७५–०७६
  • स्थायी लेखा नं. ६०९५४०३५६
  • सूचना विभाग दर्ता नं. १३५१–०७५–७६
  • पथरी-शनिश्चरे–१, मोरंग
  • फोन : N/A
  • मोबाइल नं.: ९८४२०४७१४२
  • इमेल: jrmohan.brt@gmail.com,
  • pahiloonline@gmail.com
  • वेबसाइट: www.pahiloonline.com
  • सम्पादकः रामकुमारी राई

© Copyright 2017 - 2023 Pahiloonline pvt ltd. All Rights Reserved.

Design / Developed by Thbytes