संखुवासभाको सभापोखरी गाउँपालिका–१ धुपु नजिकै सभाखोलामा एक पुरुषको शव फेला परेको छ। सभापोखरी र पाँचखपन नगरपालिकाको सिमानाको सभाखोलामा करिब ४० वर्षीय पुरुषको शव फेला परेको जिल्ला प्रहरी कार्यालय संखुवासभाका प्रहरी निरीक्षक कविन राईले जानकारी दिए।
सोमबार दिउँसो करिब १२ बजे शव भेटिएपछि स्थानीयले प्रहरीलाई खबर गरेका थिए। शव तराई मुलका व्यक्तिको जस्तो देखिएको प्रहरी निरीक्षक राईले बताए। शवको पहिचान हुन सकेको छैन। शवलाई प्रहरीले जिल्ला अस्पताल संखुवासभामको शव गृहमा ल्याएर राखेको छ।
