पथरीशनिश्चरे । पथरीमा जारी दोस्रो पथरीशनिश्चरे खुल्ला नकआउट फुटबल प्रतियोगिताको आज (शुक्रबार) भएको खेलमा शसस्त्र प्रहरी (एपीएफ) झापालाई टाइब्रेकरमा पराजित गर्दै साबिक बिजेता लेटाङ फुटबल क्लब मोरङ प्रतियोगिताको सेमिफाइनलमा प्रवेश गरेको छ । खेल अवधिभर गोल रहित बराबरी भएपछी निर्णयको लागि भएको टाइब्रेकर ५–३ गोल अन्तरले लेटाङ विजय हुँदै प्रतियोगिताको सेमिफाइनल प्रवेश गरेको हो ।
लेटाङका खेलाडिहरु मनि राई, यमन मगर, भुवन राई, अनिमेश श्रेष्ठ र गोल रक्षक समेत रहेका अंजित श्रेष्ठले गोल गरेका थिए । एपिएफका खेलाडी विशाल मग्राती, युबराज श्रेष्ठ र रोसेस श्रेष्ठले गोल गरेपनी रबिन खडकाले प्रहार गरेको गोल पोस्ट बाहिरिएपछी पराजय स्वीकार गर्नु परेको थियो । खेलको म्यान अफ दि म्याच लेटाङको गोल रक्षक अन्जेत श्रेष्ठ घोषित भए ।
भोलि (शनिवार)को खेल दमक फुटबल एकेडमी झापा र डाँगिहात फुटबल क्लब बेलबारी मोरङवीच प्रतिस्पर्धा हुने आयोजक सुनाखरी युवा क्लबका खेल सचिव टाइवन राईले बताए । यस अघिको खेलमा योसेक उर्लाबारी र पञ्चायन फुटबल क्लब सुनसरी प्रतियोगिताको सेमि फाइनलमा प्रवेश गरिसकेको छ । ८१ हजार १ सय ११ रुपियाँ प्रथम पुरस्कार रहेको प्रतियोगितामा द्वितीय हुने टोलिले ५१ हजार १ सय ११ रुपैयाँ प्राप्त गर्नेछ।
