उज्वेकिस्तानलाई हराउदै कीर्गिस्तान दोस्रोपटक एभिसी सेन्ट्रल जोन भलिबल च्याम्पियन

काठमाण्डौ– उज्वेकिस्तानलाई हराउदै कीर्गिस्तान एभिसी सेन्ट्रल जोन सिनियर पुरुष भलिबल च्याम्पियनसिपको उपाधि जितेको छ । लगनखेलस्थित नेपाली सेनाको कभर्ड हलमा उज्वेकिस्तानलाई ३–० ले हराउँदै कीर्गिस्तान च्याम्पियन बनेको हो । कीर्गिस्तानले उज्वेकिस्तानलाई २६–२४, २७–२५ र २५–१९ले हराएको थियो ।

कीर्गिस्तानले दोस्रो पटक यो उपाधि जितेको हो । यसअघि तेस्रो संस्करणको पनि उपाधि कीर्गिस्तानले जितेको थियो । उज्वेकिस्तानले भने अहिले सम्म उपाधि जित्न सकेको छैन । नेपालसहित दक्षिण एसियाका तीन टोली सहभागि भएपनि कुनै पनि टोलीले पदक जित्न सकेनन् ।

भदौ २ गते देखि सञ्चालन भएको प्रतियोगितामा आयोजक नेपालसहित सात राष्ट्रको सहभागिता थियो । तुर्केमिनिस्तानले तेस्रो स्थान प्राप्त गरेको खेलमा माल्दिभ्स चौथो, नेपाल पाँचौं, अफगानिस्तान छैटौ र बंगलादेश पुछारमा रहेको छ । सेन्ट्रल जोनको छैटौं संस्करण अर्को वर्ष बंगलादेशमा हुने एभिसीको शुक्रबार काठमाडौंमा बसेको साधारण सभाले निर्णय गरेको थियो ।

एभिसी सेन्ट्रल जोन सिनियर पुरुष भलिबल च्याम्पियनसिप

विजेता – कीर्गिस्तान
उपविजेता– उज्वेकिस्तान
तेस्रो – तुर्केमिनिस्तान
चौथो – माल्दिभ्स
पाँचौं – नेपाल
छैटौं –अफगानिस्तान
सातौं –बंगलादेश