। कानेपोखरी वडा नं. ७ ले आर्थिक ७७/७८ को सिलिङ बजेट मार्फत आफ्ना वडाका अति बिपन्न समुदाय लाई लक्ष्यीत गरी बाख्रा र बङ्गुरका पाठा वितरण गरेको छ । शनिबार वडाले आफ्नै कार्यालय भवनमा २० घरपरिवारलाई पाठाहरु वितरण गरेको हो ।
लोकल तर उन्नत जातका ती पाठाहरु १४ वटा बङ्गुर र छ वटा बाख्राका पाठाहरु जम्मा १ लाख ४० हजारमा खरिदगरिएको मा ९० हजार मूल्य बराबरको बङ्गुर र ५० हजार मूल्य बराबरको बाख्राका पाठा रहेको वडा अध्यक्ष मोहन प्रसाद अधिकारी ले जानकारी दिए ।
अर्का बिपन्न तथा गरिब समुदाएलाई अहिले वितरण गरिएका पाठाबाट उत्पादन भएका मध्येबाट एक एक पाठा वडालाई दुइ बर्षमा फिर्ता गर्ने र ती समुहलाइ वितरण गर्ने सर्तमा दिएको अध्यक्ष अधिकारीले बताए । कार्यक्रम मा गाउँपालिका अध्यक्ष तारा बहादुर काफ्ले पालिकाका प्रवक्ता तथा वडा नं. दुइका वडा अध्यक्ष सुशील बुढाथोकी लगाएतका महानुभावहरुको उपस्थिति रहेको थियो ।
