पथरी शनिश्चरे । स्वास्थ्य सतर्कता अपनाउँदै पथरी शनिश्चरे नगरले सहकारी संस्थाहरुको व्यवस्थापन तथा नीतिगत सञ्चालन प्रक्रियाको बारेमा अनुगमन् गर्ने क्रममा आज बुधबार वडा नम्बर ४ को एउटा सहकारी संस्थाको अनुगमन् गरेको छ ।
नगरको सहकारी शाखा प्रमुख केशवदेवी धमलाको संयोजनमा नगर उपप्रमुख एवम् अनुगमन समिति सदस्य यमुना विष्ट वास्तोला, प्रमुख प्रशासकीय अधिकृत लक्ष्मी प्रसाद खरेल, अधिकृत सरोज भट्ट सहितको टोलीले स्थानीय परिवर्तनशील महिला सहकारी संस्थाको अनुगमन् गरेको हो ।अनुगमन्का क्रममा आफ्नै भवनमा सञ्चालित सो सरकारीको व्यवस्थापन तथा नीतिगत सञ्चालन प्रक्रियाका बारेमा सुधार गर्नुपर्ने पक्षका बारेमा सुझाव समेत दिइएको छ ।