सुनसरी । इटहरीउपमहानगरमा चालु आर्थिक वर्षका वहुवर्षे योजना निर्माण सुरु गरिएको छ । इटहरी ७ नम्वर वडावाट वहुवर्षे योजना निर्माणको उपमहानगरका प्रमुख द्धारिकलाल चौधरीले शुभारम्भ गरे । इटहरी ७ को रामजानकी मन्दिरदेखि नहरसम्म, मलंगवा मार्ग, मलेक्षी मार्ग, शुभलक्ष्मी मार्ग,सिसौना मार्ग जोडने वहुवर्षे सडक योजनाको प्रमुख चौधरीले शिलान्यास गरे । शिलान्यास कार्यक्रमलाई सम्बोधन गर्दै प्रमुख चौधरीले पूल, कल्र्भट निर्माण र सडक कालोपत्रे गरिने यो योजना चालु आर्थिक वर्षका वहुवर्षे योजना मध्येकै सवैभन्दा ठूलो रहेको जानकारी दिए ।
यो आर्थिक बर्षमा इटहरी उपमहानगरका ४० वटा वहुवर्षे योजना रहेका छन । इटहरी वडा नम्वर ७ का अध्यक्ष नर बहादुर राईले इटहरी ७ बाटै वहुवर्षे योजनाको शुभारम्भ भएकोमा खुशि प्रकट गरे । उपमहानगरका वरिष्ठ इन्जिनियर जीवन घिमिरेले साना योजनालाई मर्ज गरेर एउटै ठूलो योजना निर्माण गरिएको जानकारी दिए । यो योजना सम्पन्न भएपछि इटहरी ७ का सबै मुलबाटोहरु कालोपत्रे हुने छन । सो सडक योजना भ्याट बाहेक २ करोड, ५९ लाख, ३३ हजार २७ रुपियाँमा ठेक्का लागेको छ । इटहरी उपमहानगरमा गत आर्थिक वर्षमा ११ वटा वहुवर्षे योजना संचालित थिए । ति मध्ये पाँच वटा ग्रामिण सडक योजना कालोपत्रे सम्पन्न भएका छन । अन्य योजना सम्पन्न हुने क्रममा छन ।
