नेपाल कम्युनिस्ट पार्टी (नेकपा)मोरङ जिल्ला सदस्य एवम् कानेपोखरी गाउँपालिका पार्टी सचिब मनोज कुमार राजबंशीले विन्दवासिनी गाँउपालिका सचिव मुकेश चौरसीयाको घटनामा संलग्न दोषिलाई उम्कन दिन नहुने जनाएका छन् । नेकपा कानेपोखरी सचिब राजबंशीले झडपलाई रोक्न पुगेका चौरसीया माथी निर्भम तरिकाले कुटपिटले मृत्यु भएको भन्दै छानबिन गरी दोषिलाई कारवाही माग गरेका छन् । उनले मृतक चौरसीयाको चिरशान्तिको कामना गर्दै झडपमा परि घाईते भएकाहरुलाई शिघ्र स्वास्थ्य लाभको कामना समेत गरेका छन ।
चौरसीयाको घटनामा सलंग्न दोषि भएकालाई तत्काल सत्यतथ्य बुझि कडा भन्दा कडा कारवाही माग गरेको बताए । उनले चौरसीया घटनामा संलग्न जो सुकै भएपनि कुनैपनि बहानामा उम्कन नपाईने बताएका छन् । बिहीवार पर्साको बिन्दबासिनी गाँउपालिका ५ प्रसौनीभाठामा झडपमा परी घाइते भएका चौरसियाको उपचारको क्रममा शुक्रबार मृत्यु भएको हो ।
बिहीवार दिउँसो १२ बजे विन्दावासनी गाँउपालिका शपथ ग्रहण कार्यक्रममा झडप हुदाँ ८ जना घाइते भएको थिए । जसमा ४ जना उपचार गरी घर फर्केका छन् । मुकेशको टाउकोमा गम्भीर चोट लागेको थियो । उपचारको क्रममा नै चौरसीयाको वीरगन्जको एल.एस न्युरो अस्पतालमा शुक्रबार बिहान मृत्यु भएको हो ।
राजबंशीले यस घटनाको दोषि जो भएपनी तत्काल सार्वजनिक गरि कारबाही गर्नुपर्ने, यस बिषयमा गम्भीर हुनुपर्ने नेकपाका कार्यकारी अध्यक्ष प्रचण्ड पुष्पकमल दाहाल र अर्का अध्यक्ष एवम् प्रधानमन्त्री केपि शर्मा ओलि, साथै पार्टी सचिवालय सदस्य एवम् गृहमन्त्री राम बहादुर थापा एवम प्रदेश नम्बर २ पर्सा जिल्ला कार्यालयलाई यस घटनाको बारेमा ध्यानाकर्षण गराउन चाहेका छन् । जिल्ला प्रहरी कार्यालय पर्साका एसपी गंगा पन्तलाई यस घटनाको दोषि पहिचान गरि मुद्दा दर्ता गरि कार्वाही अघि नबढाएमा आन्दोलन गर्ने चेतावनी दिएका छन् ।
