पथरी शनिश्चरे । मोरङको पथरी शनिश्चरे नगरपालिका कार्यालयले विश्व रेविज सप्ताह अन्तर्गत नगरमा निःशुल्क रेविज खोप लगाउने कार्यक्रम सञ्चालन गरेको छ ।
नगरको पशुपंक्षी शाखाले भेटेरीनरी अस्पताल तथा पशु सेवा विज्ञ केन्द्र विराटनगरको प्राविधिक सहयोगमा वडा नम्वर ६ मा रहेको पशुसेवा केन्द्र मंगलबारेमा कुकुर, विरालो सहितका पशुलाई रेविज विरुद्ध निःशुल्क खोप लगाउने कार्यक्रम अघि बढाएको छ ।
‘प्राणघातक रेविज रोगलाई बुझौं, आआफ्ना घरपालुवा कुकुर र विरालोलाई रेविज विरुद्धको खोप लगाऔं र यसलाई परास्त गरौं’ भन्ने अभियान सहित असोज १२ गतेसम्म खोप सञ्चालन हुने पशुपंक्षी शाखा प्रमुख हेमचन्द्र दहालले जनाए । खोप विहान १० बजेदेखि दिउँसो २ बजेसम्म सञ्चालन भइरहेको छ ।
