चार दिनदेखि जारी सरकार विरोधी प्रदर्शनका क्रममा इराकमा मृत्यु हुनेको संख्या ६० पुगेको छ । विगत चौबिस घण्टामा प्रदर्शनकारी र प्रहरीबीचको झडप बढेकाले उक्त आंकडा दोब्बर हुन सक्ने अन्तर्रा्ष्ट्रिय समाचार संस्थाहरुले जनाएका छन् ।
आन्दोलनकारीले सुरक्षाकर्मीमाथि जथाभावी आक्रमण बढेको अधिकारीहरुले दावी गरेका छन् । प्रधानमन्त्री आदेल अब्देल महदीले वार्ताबाटै समस्याको समाधान गर्न चाहेको बताएपनि आन्दोलन जारी छ । सरकारले भ्रष्टाचार नियन्त्रण गर्न नसक्दम गरिबी बढेको भन्दै केही दिनदेखि सरकार बिरोधी प्रदर्शनहरु बढ्न थालेका हुन् । आन्दोलनकारीले सार्वजनिक सेवाको विरोधसमेत गरेका छन् ।
आन्दोलनका सुरक्षाकर्मीले अत्याधिक बल प्रयोग गरेर मानवअधिकार हनन गरेको अन्तर्रा्ष्ट्रिय मानवअधिकारवादी संघ संस्थाहरुले आरोप लगाएका छन् । प्रहरीले रबरका गोली प्रहार गर्दा कयौं आन्दोलनकारी घाइते भएको बताइएको छ । उनीहरुले शान्तिपूर्ण वार्ताको माध्यमबाट समस्याको समाधान गर्न आग्रसमेत गरेका छन् ।
